Rossiya prezidenti matbuot kotibi Dmitriy Peskov AQSHning Rossiya va Markaziy Osiyo mamlakatlari iqtisodiyotini ajratishga urinishi haqidagi xabarlardan so‘ng, bu ish imkonsiz ekanini aytib o‘tdi.
Uning ta’kidlashicha, katta ehtimol bilan Rossiya va Markaziy Osiyo davlatlari iqtisodiyotini ajratib bo‘lmaydi. Kreml vakili Amerika Qo‘shma Shtatlarining tegishli istagiga shunday munosabatda bo‘ldi.
“Buning iloji yo‘q”, – dedi Peskov Kremlda o‘tgan “Rossiya-1” telekanalidagi Putin dasturida.
Avvalroq, Xalqaro taraqqiyot agentligi (USAID) direktori o‘rinbosari Anjali Kaur Markaziy Osiyoni Rossiya iqtisodidan ajratish AQSH uchun ustuvor vazifa ekanini ma’lum qilgan edi.
Uning so‘zlariga ko‘ra, agentlik demokratik institutlarni mustahkamlash, qonun ustuvorligi va inson huquqlarini hurmat qilish tamoyillarini ilgari surish, inson kapitalini rivojlantirish, iqtisodiy o‘sishni rag‘batlantirish va mintaqada iqlim bo‘yicha umumiy harakatni rag‘batlantirishga harakat qilmoqda.
“Biz bu ustuvorliklarning barchasini yakunda Markaziy Osiyo iqtisodiyotini Rossiya iqtisodiyotidan ajratish uchun muhim deb bilamiz va bu bizning maqsadimiz bo‘lishi kerak”, – dedi Kaur.
Peskov esa Vashingtonning “provokasion harakatlari” bo‘yicha Moskva va Pekin pozisiyalari o‘xshashligini ta’kidladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!