Oq uy ma’muriyati energiya xarajatlarini kamaytirish va COVID-19 dan keyingi davrda ta’minot yetishmasligini bartaraf etish maqsadida dekabr oyining o‘rtalaridan boshlab strategik neft zaxirasidan 50 million barrel neft xomashyosi chiqarishini e’lon qildi.

AQSh prezidenti Jozef Bayden Qo‘shma Shtatlarning strategik zaxiralarini ochib, neftni ishlatishi mamlakatdagi yoqilg‘i narxining tushishiga olib kelmasligi, biroq keyinchalik ta’siri sezilishini ta’kidlagan.

Bundan tashqari, Bayden AQShda energiya resurslarining qimmatlashishi Vashingtonning qayta tiklanuvchi energiyalar bo‘yicha harakatlari tufayli sodir bo‘lmaganini ta’kidladi.

Mamlakat zaxirasidagi neft xomashyosini savdoga chiqarish ko‘pchilik davlatlar tomonidan bozordagi neft narxini bir me’yorda tutib turish yo‘li sifatida ko‘rilmoqda. Bir muddat avval Yaponiya ham xuddi shunday yo‘l tutgani xabar qilingan edi.

• AQSh
• neft