Sud hay’ati AQShda 2020-yil avgust oyida afro-amerikalik Jorj Floydning o‘limi sababli yuzaga kelgan norozilik namoyishlari va tartibsizliklar payti ikkita odamni o‘ldirishda hamda qotillikka urinishda ayblangan Illinoys shtati fuqarosi, 18 yoshli Kayl Rittenxausni aybsiz deb topdi. 

Rittenxaus o‘tgan yili noyabrning o‘zidayoq 2 mln AQSH dollari miqdoridagi garov evaziga hibsdan ozod etilgandi. Hukm e’lon qilingach, sud binosi oldida yig‘ilgan olomon qarshisida ko‘rinish bermagan.

Ma’lumot uchun, 2020-yilning 25-avgustida Rittenxaus ikki namoyishchini, 36 yoshli Jozef Rozenbaum va 26 yoshli Entoni Xuberni otib o‘ldirgan, uchinchisi, 36 yoshli Gayge Grosskroys esa to‘qnashuv oqibatida yaralangandi. Voqea qatnashuvchilarining bari, qotil ham, jabrlanuvchilar ham oq tanli bo‘lgan. Rittenxaus voqea joyidan qochgan bo‘lishiga qaramay, ko‘p o‘tmay aybiga iqror bo‘lib, Illinoys shtati politsiyasiga  o‘zini topshiradi.

Sud Rittenxausni o‘zini himoya qilgan deb hisobladi. Rittenxausning o‘zi ham quroldan o‘zini himoya qilish uchun foydalanganini ta’kidlagan. Uning so‘zlariga ko‘ra, Rozenbaum undan qurolni olmoqchi bo‘lgan, Xuber esa uni skeytbord bilan urgan, Grosskroysning esa unga to‘pponcha qaratgan.

Sud Rittenxaus aybdor deb topsa, u umrbod qamoq jazosiga tortilishi mumkin edi.

• AQSh
• Jinoyat
• Sud