AQShning Alabama shtatidagi Taskigi universitetida kecha, 10-noyabr kuni otishma sodir bo‘ldi. Voqea oqibatida bir kishi halok bo‘lgan. Bundan tashqari, 16 kishining jarohat olgani aytilmoqda. Bu haqda CNN xabar berdi.

Qayd etilishicha, halok bo‘lgan o‘smir yigit 18 yoshda bo‘lgan. Jarohatlanganlardan 12 nafari shifoxonaga yotqizilgan. 4 kishi esa yengil jarohat sabab davolanmoqda.

Otishmani uyushtirishda gumonlanayotganlardan biri 25 yoshli erkak qo‘lga olingan.

Universitetda ma’lum muddatga darslar bekor qilingan. Ta’kidlanishicha, huquqni muhofaza qilish organlari voqea joyini qayta ko‘zdan kechirmoqda.

• AQSh
• Otishma
• Universitet