“AQSh Davlat kotibi Marko Rubio boshqa davlatlarga yordam ko‘rsatish bo‘yicha ko‘plab dasturlarni 90 kunga to‘xtatishni buyurdi. Bu ko‘rsatma Tramp prezidentlik lavozimiga kirishganidan so‘ng darhol imzolagan farmonga muvofiq qabul qilindi”, – deya yozmoqda Reuters.

Politico nashriga ko‘ra, ushbu qaror Ukraina, Iordaniya va Tayvanga berilayotgan harbiy yordamlarga ta’sir o‘tkazadi. Ammo farmonda Isroil va Misrga harbiy moliyalashtirishni davom ettirish uchun istisnolar qilingan.

Qo‘shma Shtatlar Xalqaro taraqqiyot agentligi xodimi Reuters nashriga bergan ma’lumotga ko‘ra, Ukrainadagi loyihalar uchun mas’ul bo‘lgan amaldorlar ishni to‘xtatishlari kerakligi aytilgan. “Muzlatilgan loyihalar orasida maktablarni qo‘llab-quvvatlash va sog‘liqni saqlash xizmatlari, jumladan, onalarga shoshilinch yordam ko‘rsatish va bolalarni emlash dasturlari bor”, – degan u.

Tramp tashqi yordam samaradorligi va uning AQSh tashqi siyosatiga mosligini qayta ko‘rib chiqish uchun 90 kunlik tanaffus qilishga qaror qilgan.

• Isroil
• Misr
• Naqsh
• Tayvan
• Tramp
• Ukraina doni