37°
Kechasi 24°
Joriy yil 12-aprel kuni imzolangan Hukumat qarori bilan Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanish tartibi to‘g‘risidagi nizom bilan endilikda haydovchi YPX xodimining dislokatsiyasi ko‘chirmasi bilan o‘sha joyning o‘zida tanishish imkoniyatidan mahrum bo‘lmoqda.
IIV mazkur norma yuzasidan izoh berdi.
Unga ko‘ra, Ichki ishlar vazirining 2018-yil 20-iyundagi 168-son “Yo‘l-patrul xizmati faoliyatini tashkil etish tartibi to‘g‘risidagi yo‘riqnomani tasdiqlash haqida”gi buyrug‘iga asosan postlarning joylashuvi (dislokatsiya) Qoraqalpog‘iston IIV, Toshkent shahar va Toshkent viloyati IIBB hamda viloyatlar IIB boshliqlari tomonidan tasdiqlanadi va har chorakda ko‘rib chiqiladi. Ushbu dislokatsiyada postlar va yo‘nalishlar belgilanib, kuch va vositalar taqsimoti ko‘rsatiladi.
Shu bilan birga, dislokatsiyaga ko‘ra YPX xodimi patrullik yo‘nalishi maʼlum postdan tashqari maʼlum masofadagi yo‘llar va bir nechta ko‘chalarda xizmatga jalb qilingan bo‘lishi mumkin.
“Hozirgi kunda ko‘plab yo‘l harakati ishtirokchilari sodir etgan huquqbuzarligi uchun javobgarlikdan qutulib qolish maqsadida dislokatsiya ko‘rsatilmadi deb vaj qilib, turli instansiyalarga murojaat qilishadi. Dislokatsiya – ichki xizmatda foydalanish uchun belgilangan bo‘lib, uning qaysi hudud, sektorga biriktirilganligi, xodimning rahbarlari tomonidan nazorat qilish uchun chiqarilgan hujjat. Xalqaro tajriba o‘rganib chiqilganda, misol uchun AQSH va Yevropa davlatlarida yo‘l harakati xavfsizligi politsiyasi xodimidan nafaqat dislokatsiya, vaholanki guvohnomasini ko‘rsatishini talab qilish mumkin emas”, – deyiladi vazirlik izohida.
Vazirlikning taʼkidicha, yuqoridagilarni inobatga olib, mazkur o‘zgartirish ilg‘or xorijiy davlatlar tajribasini inobatga olgan holda kiritilmoqda.
O‘z navbatida, yo‘l harakati ishtirokchilari YPX xodimining xatti-harakatidan norozi bo‘lgan taqdirda ariza yoki shikoyat tarzida yuqori turuvchi instansiyalarga murojaat qilish huquqiga ega.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
