AQShda, San-Diyego shahri trassasida ketayotgan zirhli inkassator avtomobili orqa eshigi ochilib ketgan va salondagi naqd pul havoga sochilgan.

Voqea kecha, 19-noyabr sanasi tongida Kennon yo‘li shimolidagi Karlsbad yaqinida  sodir bo‘lgan. Odamlar havoda uchib yurgan naqd pullarni terib olish uchun o‘z avtoulovlarini to‘xtatganlar. Oqibatda avtostradada ulkan avtolar tiqilinchi sodir bo‘lgan.

Inkassator mashinasi haydovchisi avvaliga pulni o‘zi terishga harakat qilgan, odamlarning pulni terib ketayotganini ko‘rgach, ularning harakatini videotasvirga tushirgan. Voqea bo‘yicha hozircha bir erkak va bir ayol hibsga olingan.

"Avtostradada pul topgan bo‘lsangiz, qaytaring, u sizning pulingiz emas" – deya rasmiylar shtat aholisiga murojaat qilganlar.

Ushbu holat yuzasidan Federal qidiruv byurosi ish olib bormoqda.

• AQSh
• qiziqarli