AQShning Kaliforniya shtatidagi Los-Anjeles okrugini qamrab olgan keng ko‘lamli yong‘inlarning sababi elektr uzatish liniyalaridan birida uzilgan sim bo‘lishi mumkin. Bu haqda Edison International mas’ul kommunal xizmatiga tayanib Bloomberg xabar qilmoqda.

Hozirgi vaqtda kompaniya yong‘in sababini aniq ayta olmaydi. Shu munosabat bilan uning vakillari voqeani tekshirishni davom ettirmoqda.

Esingizda bo‘lsa, yong‘inlar 7-yanvar kuni Kaliforniyani qamrab olgan edi. Shundan buyon Los-Anjelesda 10 mingdan ortiq binolar vayron bo‘lgan, 370 ming kishi esa elektrsiz qolgani aytilmoqda.

“Yong‘inni o‘chirishda yordam berish uchun Kanada hukumati 250 nafar o‘t o‘chiruvchi va aviatsiyani yuboradi”, – deydi mamlakat bosh vaziri Jastin Tryudo. U keyinchalik harbiylar ham yuborilishi mumkinligini aytgan.

Hozirda Los-Anjelesda tabiiy yong‘inlar paytida talon-toroj qilishda ayblanib kamida 20 kishi hibsga olingan. Shu bilan birga, Kaliforniyaning ba’zi hududlarida komendantlik soati boshlangan.

• AQSh
• yong‘in