Armaniston va Ozarbayjon tashqi ishlar vazirlari Ararat Mirzoyan va Jeyhun Bayramov AQSH Davlat kotibi Antoni Blinken ishtirokidagi telefon suhbatida tinchlik shartnomasini muhokama qildi.

“Suhbat chog‘ida vazirlar Armaniston-Ozarbayjon tinchlik shartnomasini ishlab chiqish va Stepanakert va Boku o‘rtasida muzokaralar mexanizmini yaratish bo‘yicha fikr almashdilar”, —vazirlik bayonotida.

Keltirilishicha, tomonlar Janubiy Kavkazda barqarorlik va xavfsizlikni o‘rnatishga qaratilgan muhokamalarni davom ettirishga kelishib olishgan.

“Armaniston tomoni Ozarbayjon qurolli kuchlarini Armaniston Respublikasining suveren hududidan olib chiqib ketish, Ozarbayjonda noqonuniy ushlab turilgan arman harbiy asirlarini zudlik bilan vataniga qaytarish va o‘t ochishni to‘xtatish rejimiga so‘zsiz rioya qilish zarurligini yana bir bor ta’kidladi”, — deyiladi xabarda.

Shuningdek, yangi tajovuzlarning oldini olish kontekstida chegaradagi vaziyatni nazorat qilishning xalqaro mexanizmlarini joriy etish muhimligi ta’kidlangan.

• Armaniston
• Ozarbayjon
• Rossiya
• Tog‘li Qorabog‘