31°
Kechasi 18°
Rossiya tashqi ishlar vaziri Sergey Lavrov kecha Bakuga bordi. Uni prezident Ilhom Aliyev qabul qildi. Ozarbayjon rahbari rus diplomatiga Qorabog‘ masalasi bo‘yicha kelishuvlarga amal qilinmayotganini, ammo ozarbayjonlar sabr bilan kutayotganini bildirdi.
Ilhom Aliyev Armaniston bilan 2020-yil noyabr oyida imzolangan deklarasiyani amalga oshirishini kutganini ochiqladi. “Tinchlik kelishuvi bo‘yicha taklifimiz javobsiz qoldi, ammo biz uning qabul qilinishini umid qilamiz” dedi u.
Aliyev Ozarbayjon va Rossiya o‘rtasida shu yil boshida imzolangan Ittifoqchilarning o‘zaro hamkorlik deklarasiyasini “munosabatlarni rivojlantirish uchun mo‘ljallangan ushbu hujjat uzoq muddatli va samarali hamkorlikning ajoyib natijasi” ekanini ta’kidladi.
“Bu pozisiya mintaqada uzoq muddatli tinchlik o‘rnatishga qaratilgan. Ishonchim komilki, bizning sa’y-harakatlarimiz Armaniston tomonidan mamnuniyat bilan qabul qilinadi va ko‘p qirrali mojaro tugaydi. Tinchlik kelishuvi ustida ishlashni boshlash taklifimiz javobsiz qoldi, ammo biz hali ham bu taklif qabul qilinadi, deb umid qilyapmiz”, dedi Aliyev.
Rossiya, Ozarbayjon va Armaniston bosh vazirlari o‘rinbosarlari raisligidagi uch tomonlama ishchi guruh ishining faollashuvini ijobiy baholagan Aliyev quyidagilarni davom ettirdi:
"Yaqinda Sankt-Peterburgda yangi yig‘ilish bo‘lib o‘tdi. Umid qilamizki, Ozarbayjon fuqarolari va ularning yuklarini Naxchivan Muxtor Respublikasiga to‘siqlarsiz olib o‘tishni ta’minlash, 2020-yil noyabr deklarasiyasini amalga oshirishga kirishiladi. Bu Armaniston tomonining qonuniy majburiyatidir. Afsuski, Ikkinchi Qorabog‘ urushi tugaganiga bir yarim yildan ko‘proq vaqt o‘tdi, lekin Deklarasiyaning ushbu bandi hali amalga oshirilmadi. O‘ylaymanki, u shunday qolmaydi. Umuman olganda, vaziyatni normallashtirish bo‘yicha konsepsiyamiz doirasida ko‘plab amaliy qadamlar qo‘yish mumkin. Kavkazda mustahkam tinchlik o‘rnatish bo‘yicha faol harakatlaringizni kutamiz”, deydi Ozarbayjon preizdenti.
Rossiya tashqi ishlar vaziri Lavrov Ittifoqchilik deklarasiyasi va boshqa kelishuvlarni amalda oshirish uchun ikki prezidentning (Putin va Aliyev – tahr.) ko‘rsatmalariga amal qilishda qat’iy ekanliklarini bildirdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
