31°
Kechasi 18°
Kuni kecha, 15-fevral, chorshanba oqshomida bir nechta grand klublar turli musobaqalar doirasida oʻz uchrashuvlarini oʻtkazishdi.
Angliya Premyer Ligasining qoldirilgan 12-tur oʻyinida “Arsenal” oʻz maydonida “Manchester Siti” qabul qilib, magʻlubiyatga uchradi.
Dastlab Kevin de Bryuyne londonliklar himoyachisining qoʻpol xatosidan unumli foydalanib, hisobni ochdi. Birinchi boʻlim soʻngida Bukayo Saka penaltini aniq amalga oshirib, muvozanatni tikladi.
Ikkinchi boʻlimda esa Jek Greylish va Erling Xolandning gollari manchesterliklarga muhim 3 ochkoni taqdim etdi.
Shu tariqa, Pep Gvardiola boshchiligidagi jamoa ochkolari sonini “Arsenal”niki bilan tenglashtirib, toʻplar farqiga koʻra turnir jadvalida birinchi oʻringa joylashdi.
APL | 12-tur bahsi
“Arsenal” — “Manchester Siti” 1:3
Gollar: 0:1 – 24ʼ De Bryuyne, 1:1 – 42ʼ Saka (penalti), 1:2 – 72 Greylish, 1:3 – 82ʼ Xoland.
Shuningdek, kecha YeChL doirasida ikkita uchrashuv ham boʻlib oʻtdi. Ulardan birida “Borussiya Dortmund” “Chelsi” ustidan minimal gʻalabaga erishdi. Uchrashuvdagi yagona golga Adeyemi mualliflik qildi.
Ikkinchi oʻyinda “Benfika” “Bryugge” maydonidan 3 ochko bilan qaytdi. Portugaliyaliklar safida Joau Mariu va David Neresh tomonidan kiritilgan gollar 2:0 hisobidagi gʻalabani taʼminladi. Endi jamoalar oʻrtasidagi javob oʻyinlari 7-mart sanasida oʻtkaziladi.
YeChL | Nimchorak final bahslari
“Borussiya D” – “Chelsi” 1:0
Gol: 1:0 – 63ʼ Adeyemi.
“Bryugge” – “Benfika” 0:2
Gollar: 0:1 – 51ʼ Joau Mariu (penalti), 0:2 – 88ʼ Neresh.
Bundan tashqari chorshanba oqshomida “Real Madrid” qoldirilgan tur oʻyinida maydonga tushdi. Chempionatning autsayder jamoasi “Elche”ga qarshi kechgan bahsda madridliklar yirik 4:0 hisobida zafar quchdi. Bellashuvda Benzema dubl qayd etishga muvaffaq boʻldi.
Shu tariqa “Real” ochkolari sonini 48 taga yetkazib, turnir jadvali yetakchisi “Barselona” bilan oradagi farqni qisqartirdi. Kataloniyaliklar hozirda 56 ochkoga ega boʻlib turishibdi.
La Liga | 21-tur bahsi
“Real” – “Elche” 4:0
Gollar: 1:0 – 8ʼ Asensio, 2:0 – 31ʼ Benzema (penalti), 3:0 – 45ʼ Benzema (penalti), 4:0 – 80ʼ Modrich.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
