Avstraliya G‘azo sektori aholisiga qo‘shimcha 10 million dollar gumanitar yordam beradi. Bu haqda “ 9 News”ga tayanib “Anadulu” xabar berdi.

Alining ta’kidlashicha, yordam BMTning Jahon oziq-ovqat dasturiga (WFP) ocharchilikka duchor bo‘lgan Falastinlik tinch aholini oziq-ovqat bilan ta’minlash uchun yuboriladi.

Vazirning so‘zlariga ko‘ra, so‘nggi 8 oyda Avstraliya tomonidan ko‘rsatilgan gumanitar yordamning umumiy hajmi 72,5 million dollarga yetgan.

“Isroil Xalqaro Sud talab qilganidek, yordam oqimiga ruxsat berishi kerak. Falastinlik tinch aholining azoblari davom eta olmaydi”, - dedi Ali.

Hamasning jangari qanoti Izz al-Din al-Qassam brigadalari Isroilga qarshi operatsiya boshlaganini e’lon qilgan o‘tgan yilning 7 oktyabridan beri G‘azoda 37 200 ga yaqin falastinlik halok bo‘ldi, ularning aksariyati ayollar va bolalar edi.

Bundan tashqari, mahalliy sog‘liqni saqlash idoralari ma’lumotlariga ko‘ra, 84,8 mingdan ortiq kishi jarohatlangan.Isroilda qurbonlar soni esa 1200 ga yaqin.

“Isroilni genotsidda ayblagan Xalqaro Sud qarorida Tel-Avivdan Isroil hujumlari davom etgani uchun 1 milliondan ortiq falastinlik boshpana topgan Rafahdagi hujumlarni zudlik bilan to‘xtatishni talab qildi. 6 may kuni Isroil harbiylari Rafahga quruqlikdan hujum boshladi. Sakkiz oydan ortiq davom etgan Isroil hujumlari blokadadagi G‘azo sektorining katta hududlarini vayronaga aylantirdi. Isroil blokadasi tufayli mahalliy aholi oziq-ovqat, toza suv va dori-darmonlarning keskin tanqisligiga duch keldi”,- deyiladi xabarda.

• Avstraliya
• Isroil
• Qurbon