Avstriyada ehtiyotsiz haydovchilardan avtomobillari musodara qilinadi. Tez haydashga qarshi kurash bo‘yicha yangi qoidalar 1-martdan kuchga kirdi, deb yozadi “Zakon.kz”.

Qayd etilishicha, bu jazo haydovchi belgilangan me’yordan shaharda 80 km/soatdan, shahar tashqarisida esa 90 km/soatdan ortiq tezlikni oshirgan taqdirda beriladi. Avstriyada tezlik chegarasi endi shaharda 50 km/soat, undan tashqarida - 100 km/soat, avtobanda - 130 km/soat. Mamlakat bir necha yillardan beri tez haydash harakatlariga qarshi kurashib kelmoqda.

2021-yilda esa Avstriyada tezlikni oshirganlik uchun jarimalar sezilarli darajada oshgan. Belgilangan chegaradan 30 km/soat tezlikda yurganlar 150 yevro to‘lashlari kerak. Jiddiy holatlarda esa jarimalar besh ming yevroga yetadi. Shuningdek, noqonuniy ko‘cha poygalarida ishtirok etganlik uchun litsenziyadan olti oyga mahrum qilish yoki avtomobilingizni musodara qilish jazosi qo‘llanilishi mumkin.

• Avstriya
• Avtomobil