Ijtimoiy tarmoqlarda xorazmlik bir ayolning 3 nafar bolani shafqatsizlarcha yoqib yuborish bilan qo‘rqitgan videosi tarqalgan edi. Ayol bolalarning yig‘lashiga ham e’tibor bermagan va o‘z nomaqbul harakatini qasddan davom ettirgan.
Ushbu holat yuzasidan Bolalar ombudsmani Matbuot xizmati munosabat bildirdi.

Ma’lum bo‘lishicha holat Xorazm viloyati, Urganch tumanida sodir bo‘lgan. Hozirda voqea yuzasidan Ichki ishlar organi zudlik bilan surishtiruv ishlari olib borishga kirishgan. Shuningdek, hodisa Bolalar ombudsmanining alohida nazoratiga olinishi qayd etilgan.

Bolalarga nisbatan bunday jinoiy harakatlar kim tomonidan sodir etilishidan qat’iy nazar, qonun oldida javob beriladi, deyiladi rasmiy munosabat so‘ngida.

• Jinoyat
• Ombudsman