Joriy yilning 29-noyabr kuni Vazirlar Mahkamasining 721-sonli qarori e’lon qilindi. Unda “O‘zbekiston Respublikasi Prezidentining “Qishloq xo‘jaligiga mo‘ljallangan yerlardan foydalanish va muhofaza qilish tizimini takomillashtirishga doir qo‘shimcha chora-tadbirlar to‘g‘risida” 2021-yil 24-fevraldagi PQ-5006-son qarori munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” qaror qabul qilindi.

Qarorga ko‘ra, O‘zbekiston Respublikasining fuqaro va davlat aviatsiyasida uchuvchisiz uchish qurilmalaridan foydalanish tartibi to‘g‘risidagi nizomdagi fuqaro aviatsiyasida uchuvchisiz uchish qurilmalariga qo‘yiladigan talablarga o‘zgartirishlar kiritildi. 

Unga ko‘ra, fuqaro aviatsiyasida dronlarning maksimal uchish vazni 25 kg dan ko‘p bo‘lmasligi kerak. Istisno tariqasida qishloq xo‘jaligida foydalaniladigan dronlar sanab o‘tiladi, ularning ruxsat etilgan maksimal uchish vazni 100 kg deb belgilangan.

Ma’lumot uchun, qishloq xo‘jaligida dronlar joriy yilning fevralidan Jizzax viloyatida foydalana boshlangandi. Dronlar orqali yer nazorati va ekin monitoringi olib borilmoqda.

• O‘zbekiston
• Qishloq
• dron
• qishloq_xo‘jaligi