Birlashgan Arab Amirliklari Amerika bilan 23 mlrd AQSh dollariga baholangan F-35 qiruvchi samolyotlari xaridi borasidagi shartnomani bekor qilishini bildirdi. Bu Vashingtonning Abu-Dabining Xitoy bilan munosabatlari hamda mamlakatda Huawei 5G texnologiyalarining o‘rnatilishi borasidagi havotirlari fonida sodir bo‘ldi.

"BAA AQSh tomonini F-35 samolyotlari xaridi bo‘yicha muzokaralarni to‘xtashidan ogohlantirdi", – deydi nomi keltirilmagan BAA amaldorlaridan biri Reuters'ga ma’lumot berarkan. 

BAAning ushbu bayonoti mamlakat Fransiyadan 15,8 mlrd AQSh dollari qiymatidagi 80 ta Rafale harbiy samolyotlarini sotib olishga kelishganidan bir necha kun o‘tib ma’lum qilingan. Amaldorning ta’kidlashicha, AQSh BAAning "eng yaxshi ta’minchisi" sifatida qolaveradi, F-35 samolyotlari xaridi to‘xtatilgan bo‘lishiga qaramay, shu hafta mamlakat vakillari Vashingtonga muzokaralar uchun yetib boradi.

Avvalroq AQSh davlat kotibi Entoni Blinken AQSh hukumati bir necha tekshiruvlardan so‘ng BAA bilan F-35 qiruvchi samolyotlari va uchuvchisiz qurilmalarni sotish borasida shartnomalar tuzishda ijobiy xulosaga kelganini ma’lum qilgani haqida xabar qilingandi.

• AQSh
• Abu-Dabi
• Harbiy
• texnologiya