Bangladeshda talabalar noroziligida o‘limlar soni ortib bormoqda. Shuningdek, mamlakatda komendantlik soati joriy etilgan.

“O‘ldirilganlar soni haqida xabarlar turlicha: mahalliy ommaviy axborot vositalari saytlarida xabarlar yangilanmagan va ularning ijtimoiy tarmoqlardagi akkauntlari faol emas. Shuning uchun G‘arb ommaviy axborot vositalari o‘liklarni mustaqil ravishda sanashga harakat qilmoqda”, – deya xabar beradi Zakon.kz.

Shuningdek, kecha namoyishdan so‘ng 23 kishining jasadi topilgan.

Barcha G‘arb ommaviy axborot vositalarining ta’kidlashicha, halok bo‘lganlarning umumiy soni to‘g‘risidagi ma’lumotlarni tasdiqlash uchun rasmiylarga murojaat qilishning iloji bo‘lmagan.

Reuters nashri esa shu haftaning seshanba kuni namoyishda 105 kishi halok bo‘lgani haqida yozgan.

Bangladesh bo‘ylab kasalxonalardan olingan ma’lumotlarga ko‘ra, o‘limlardan tashqari, to‘qnashuvlar minglab odamlarning jarohatlanishiga olib kelgan.

Qurbonlar soni ko‘payib, politsiya noroziliklarni to‘xtata olmaganligi sababli, hukumat butun mamlakat bo‘ylab komendantlik soati o‘rnatgan.

Umummilliy tartibsizliklar talabalarning Davlat lavozimlari uchun bahsli kvotalar tufayli boshlangan.

• Bangladesh
• Namoyish
• Talabalar