“Barselona” bosh murabbiyi Xavi UEFA Chempionlar ligasi guruh bosqichi 3-turidan o‘rin olgan “Inter”ga qarshi o‘yin (0:1) natijasi haqida fikr bildirdi.

“Men nohaqlikka uchraganimiz uchun g‘azabdaman. Biz juda noqulay mag‘lubiyatga uchradik. O‘ta murakkab vaziyatda uchta o‘yin qoldi.

“Inter” futbolchisi qo‘li bilan o‘ynadi. Ushbu sport turida hakam muhim rol o‘ynaydi, u chiqib, qarorini tushuntirishi kerak.

U menga hech narsani tushuntirishni xohlamadi. Bu Chempionlar ligasi, yuqori raqobat bor.

Biz harakat qildik, raqibga qaraganda ko‘proq vaziyatlar yaratdik, ammo “Inter” yaxshi himoyalandi.

Men bu mag‘lubiyatdan xavotirdaman. Biz qiyin ahvoldamiz”, — deb fikr bildirgan Xavi.

Qayd etish mumkin, “Inter” 6 ochko jamg‘arib, UEFA Chempionlar Ligasi “C” guruhida ikkinchi o‘ringa ko‘tarilib oldi.

“Barselona” esa 3 ochko bilan uchinchi o‘rinda. Jamoalarning guruhdagi raqiblari “Bavariya”da 9 ochko mavjud bo‘lsa, “Viktoriya Plzen” hali ochko jamg‘arishga muvaffaq bo‘lmagan.

• Barselona
• Futbol
• Xavi
• YeChL