Kataloniyaning “Barselona” klubi navbatdagi transfer maqsadini belgilab oldi.

Bu safar Myunxenning “Bavariya” klubi himoyachisi Niklas Zyule “koʻk-anorranglilar” qiziqishlari doirasiga tushdi, deya xabar bermoqda jurnalist Kristian Falk.

Kataloniya grandi Zyule shartnomasidagi vaziyatdan foydalanmoqchi. 

Niklasning “Bavariya” bilan shartnomasi kelasi yil yozida tugaydi va tomonlar hamkorlikni uzaytirish borasida haligacha kelishmagan. “Barsa” himoyachiga uzoq muddatli shartnoma taklif qilishga tayyor.

Maʼlumot uchun, Niklas Myunxen jamoasida 2017-yildan beri oʻynab kelmoqda. 26 yoshli himoyachi joriy mavsum Bundesligada 16 oʻyinda maydonga tushishga muvaffaq boʻlgan.

• Futbol
• Xorij