“Barselona” mavsum tugashiga 4 tur qolganda rasman Ispaniya La Ligasi chempionligini qoʻlga kiritdi.

Kecha, 140may oqshomida “Barselona” Ispaniya La ligasining 34-turi doirasida “Espanyol”ni qabul qilib, 4:2 hisobida gʻalaba qozongandi.

Xavi jamoasi tarkibida Aleks Balde, Jyul Kunde gol urdi, Robert Levandovski dubl qayd etdi. Mehmonlar safida esa gollarga Xaver Puado va Xoselu mualliflik qilishdi.

Shu tariqa, Kataloniya klubi Ispaniya chempionatida 27-chi va 2019-yildan beri ilk bor chempionlikni qoʻlga kiritdi.

Shuningdek, “koʻkanorranglilar” 24 yil ichida birinchi marta Lionel Messisiz Ispaniya chempioniga aylanishdi.

Soʻnggi bor “Barsa” argentinalik hujumchisiz 1998/99-yilgi mavsumda mutaxassis Lui van Gal qoʻl ostida chempion boʻlgandi.

“Barselona” 34 tur natijasiga koʻra 85 ochko jamgʻardi. Turnir jadvalida ikkinchi oʻrinda borayotgan “Real” bilan oradagi farq 14 ochkoga yetdi. “Espanyol” esa 34 oʻyinda 31 ochko bilan soʻnggi pogʻonada bormoqda.

• Barselona
• Futbol
• La Liga