Ispaniya chempionatining joriy mavsumida 26-turga kelib Kataloniya klubi oʻz darvozasidan atigi 9 ta gol yoki har bir oʻyinda oʻrtacha 0,346 ta gol oʻtkazib yubordi.

Bu bilan “Barselona”, joriy mavsumda Yevropaning TOP-5 ligalarida eng kam gol oʻtkazgan klublar roʻyxatida birinchi oʻrinni egalladi.

Qayd etilishicha, agar Xavi shogirdlari xuddi shu ruhda davom etsa, 1969/1970-yilgi mavsumda Italiyaning “Kalyari” klubi oʻrnatgan rekordni yangilaydi.

Oʻsha mavsumda jamoa chempionatning 30 turidan soʻng oʻz darvozasidan 11 ta gol yoki har bir oʻyinda oʻrtacha 0,367 ta gol oʻtkazib yuborgan.

Agar “Barselona” qolgan 12 turda toʻrttadan koʻp gol oʻtkazib yubormasa, u holda rekordning yangi egasiga aylanadi.

• Barselona
• Futbol
• rekord