2024-yilning 14-aprel kuni O‘zbekiston Respublikasi tashqi ishlar vaziri Baxtiyor Saidov Tojikiston Respublikasi tashqi ishlar vaziri Sirojiddin Muhriddin bilan muzokaralar o‘tkazdi.

“Tojikiston tashqi ishlar vaziri Sirojiddin Muhriddin janoblari bilan juda samarali va samimiy uchrashuv o‘tkazdik. Oliy darajada bo‘lib o‘tadigan tashrif oldidan tayyorgarlik masalalarini ko‘rib chiqdik. O‘zbekiston va Tojikiston tashqi ishlar vazirliklari ikki mamlakat o‘rtasidagi yaxshi qo‘shnichilik, strategik sheriklik va ittifoqchilik munosabatlarini yanada mustahkamlashga barcha imkoniyatlarini yo‘naltirayotganini alohida ta’kidladik. Hamkorligimizni tobora rivojlantirish, savdo aloqalarini mustahkamlash, barcha yo‘nalishlar bo‘yicha muntazam almashinuvlarni ta’minlash ustuvor vazifalarimizdandir”, – degan Baxtiyor Saidov.

• Baxtiyor Saidov
• Tashqi ishlar vazirligi
• Tojikiston