AQSh prezidentligidan ketayotgan Jo Bayden giyohvand moddalar bilan bog‘liq jinoyatlar uchun sudlangan ikki yarim mingga yaqin mahkumlarning jazolarini yengillashtirdi.

Bu haqda Oq uy matbuot xizmati ma’lum qildi.

“Ushbu harakat tarixiy xatolarni tuzatish va munosib bo‘lgan fuqarolarga o‘z oilalariga qaytish imkoniyatini berish yo‘lidagi muhim qadamdir”, – degan Bayden.

Shuningdek, Bayden 12-dekabrda 1,5 ming kishiga nisbatan jazoni yengillashtirib, zo‘ravonliksiz jinoyatlar uchun ayblangan 39 mahkumni afv etgan edi. U 23-dekabr kuni ham o‘lim jazosiga hukm qilingan 40 kishidan 37 nafari uchun jazoni yengillashtirdi. Bayden saylangan prezident Donald Tramp ma’muriyatining “qatllarni davom ettirishiga” yo‘l qo‘ymasligini aytib o‘tgan.

Ma’lum bo‘lishicha, Baydenning so‘nggi qarori AQSh prezidentlari tomonidan chiqarilgan individual afv etish va jazoni yengillashtirish bo‘yicha rekord natijani o‘rnatgan.

• AQSh
• Avf
• Bayden
• Mahkum