31°
Kechasi 18°
AQSh prezidenti Jo Bayden Ukrainaga 40 milliard dollarlik moliyaviy va harbiy yordam ajratish haqidagi qonunni imzoladi. Bu haqda Oq uy sayti maʼlum qildi.
19 may kuni tegishli qonun loyihasi AQSh Senatining ko‘pchilik ovozi (86 kishi yoqlab, 11 nafari qarshi) bilan maʼqullangan edi.
“Qonun AQSh Mudofaa vazirligiga 19,7 milliard dollar ajratishni nazarda tutadi, shundan 6 milliard dollari Ukrainani bevosita qo‘llab-quvvatlashga, yana 9,05 milliard dollari Pentagon Ukrainaga yetkazib bergan qurol-yarog‘ zaxiralarini to‘ldirishga sarflanadi”, – deb yozmoqda Bloomberg.
Bloomberg, shuningdek, boshqa xarajatlar qatorida Ukraina va Rossiyaning “maxsus harbiy operatsiyasi”dan jabr ko‘rgan mamlakatlarga 4 milliard dollar, Ukraina iqtisodiyotini to‘g‘ridan-to‘g‘ri qo‘llab-quvvatlash uchun 8,8 milliard dollar, Ukrainaga oziq-ovqat va gumanitar yordam uchun 5 milliard dollardan ortiq mablag‘ yo‘naltirilishini aytmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
