AQSh prezidenti Jo Bayden Gaagadagi Xalqaro jinoiy sudning Rossiya prezidenti Vladimir Putinni hibsga olishga order berish haqidagi qarorini olqishladi.

“Menimcha, bu qaror asosli. Biroq muammo shundaki, XJM (Xalqaro jinoiy sudi) AQSh tomonidan xalqaro miqyosda tan olinmagan”, – dedi Bayden Oq uyda jurnalistlarga.

Putin Ukrainada harbiy jinoyatlar sodir etganmi, degan savolga Oq uy rahbari ijobiy javob berdi.
“(Putin) urush jinoyatlarini sodir etgani aniq”, – deydi u.

Shuningdek, Oq uy rahbari Rossiya prezidenti va Xitoy rahbari Si Szinpinning kelasi haftada bo‘lib o‘tadigan Moskvadagi uchrashuvini sharhlar ekan, “Bu uchrashuv qachon bo‘lishini ko‘ramiz”, dedi.

Ma’lumot uchun, Xalqaro jinoiy sud arafasida Rossiya prezidenti Vladimir Putin, shuningdek, Rossiya Federatsiyasi Prezidenti huzuridagi bolalar huquqlari bo‘yicha komissari Mariya Lvova-Belovani hibsga olishga order berdi.

• Bayden
• Putin