La Liganing 16-turidan oʻrin olgan “Real Sosedad”ga (2:0) qarshi oʻyinning birinchi boʻlimida almashtirilgan “Real” hujumchisi Karim Benzemaning jarohati tafsilotlari maʼlum boʻldi.

Qayd etilishicha, dushanba kuni 33 yoshli fransiyalik tekshiruvdan oʻtgan va maʼlum boʻlishicha, futbolchining son mushaklariga jiddiy zarar yetmagan.

Karim bir haftacha maydonga tushmasligi mumkin. U 7-dekabr kuni Chempionlar ligasi doirasidagi “Inter”ga qarshi oʻynamasligi aniq. Uning 12-dekabrda “Atletiko” bilan derbidagi ishtiroki esa soʻroq ostida.

Maʼlumot uchun, fransiyalik hujumchi joriy mavsum La Liga doirasidagi 15 oʻyinda maydonga tushib, 12 ta gol urdi va 7 ta golli uzatmani amalga oshirdi.

• Futbol
• Xorij