Mixail Borodinning Rossiyadagi mehnat muhojirlari va zamonaviy qullik mavzusidagi “Продукты 24” (“Convenience Store”) filmi 2022-yil Berlin kinofestivalida qatnashadi, deb xabar beradi, Meduza nashri.
Borodin uchun bu kartina rejissorlik debyuti bo‘ldi. Film “Metrafilms” (Rossiya), Perfo (Sloveniya), Karma films (Turkiya) hamda Rossiya Madaniyat vazirligi ko‘magida yaratildi. Rollarni Markaziy Osiyolik professional bo‘lmagan aktyorlar ijro etgan. Bosh qahramon timsolini Zuxara Sansizbay talqin qilgan.
Film real, hayotiy voqea, aniqrog‘i, “Golyanovo qullari” deb atalgan ish asosida yaratilgan. 2012-yilda “Alternativa” zavonaviy qullikka qarshi harakat faollari, jurnaliyatlar yordamida Moskvadagi Golyanovo hududidagi kunu tun ishlaydigan magazinda Qozog‘iston, O‘zbekiston va Tojiikstondan kelgan 12 nafar – to‘qqiz ayol va uch erkak ushlanib turgan yashirin joyni aniqlaydilar. Ma’lum bo‘lishicha, magazinda ishlayotgan ayollarning ko‘pchiligi o‘n yildan ortiqroq vaqtdan buyon qullikda saqlangan. Ular muntazam ravishda noinsoniy munosabat va jinsiy zo‘ravonlikka duch kelganlar.
Moskva prokuraturasi, xodimlarning noqonuniy tarzda ozodlikdan mahrum etilishidan ko‘z yumgan va holatda jinoyat tarkibi yo‘q deb topgan. Shundan keyin sobiq asiralar Inson huquqlari bo‘yicha Yevropa sudiga murojaat etishgan va bu ish hanuz o‘rganilayapti.
Film ijodkorlari aytishicha, o‘sha magazin o‘sha yerda va o‘sha xo‘jayinlari bilan hamon ishlamoqda. Ularga jinoyat kodeksining biror moddasi qo‘llanmagan. Filmda aynan aytilgan joyda qullikni boshidan kechirgan Bakiya Kasimova ishtirok etayotgani ta'kidlanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!