Microsoft asoschisi Bill Geyts Android smartfonlarini afzal ko‘rishini aytdi. Tadbirkor Reddit platformasida savol-javoblar sessiyasi chog‘ida o‘zining sevimli brendi Samsung Galaxy Z Fold3 smartfonini nomladi.

“Menda Android Galaxy ZFold3 bor. Men har xillarini sinab ko‘raman. Bu ekran yordamida ajoyib portativ kompyuter va telefon bilan ishlay olaman, boshqa hech narsa yo‘q”, deydi Geyts.

Sharhlarda ayrim foydalanuvchilar Microsoft Windows asosidagi smartfonlar ishlab chiqishni to‘xtatganidan shikoyat qilib, Windows Phone’ning sodiq muxlislari ko‘pligini ta’kidlaganlar. 

Xuddi shu sessiya davomida milliarder kriptovalyutalarga bo‘lgan munosabati haqida ham gapirib, ularning qadr-qimmati faqat kimdir ularni sotib olishga tayyor bo‘lishida ekanligini aytgan. 

Avvalroq, Microsoft korporatsiyasi asoschisi koronavirus bilan kasallangani ma’lum bo‘lgan edi. Tadbirkorning so‘zlariga ko‘ra, u emlangan va vaksinaning kuchaytiruvchi dozasini olgan. 
 

• AQSh
• Bill Geyts
• Jahon
• Microsoft
• Telefon