14°
Kechasi 3°
Qozog‘iston Prezidenti Qosim-Jo‘mart To‘qayev 8-9-may kunlari Rossiyaga ishchi tashrif buyuradi va Buyuk Vatan urushidagi G‘alabaning 78 yilligiga bag‘ishlangan paradda ishtirok etadi.
Bu haqda, Qozog‘iston prezidenti matbuot kotibi Ruslan Jeldibay ma‘lum qildi. “8-9-may kunlari davlatimiz rahbari Rossiyaga ishchi tashrif buyuradi. Tver viloyatida prezident Rzhev yodgorligiga tashrif buyuradi va Buyuk Vatan urushining eng yirik janglaridan birida halok bo‘lgan 100-va 101-o‘qchi diviziyalarning qozoq askarlari xotirasini sharaflaydi. Davlat rahbari, shuningdek, amakisi Qosim Boltayev dafn etilgan Trubino qishlog‘idagi ommaviy qabrga tashrif buyuradi. Rzhev jangida Qozog‘istondan chaqirilgan 22 000 ga yaqin askar va ofitserlar qatnashgan”, - deyiladi Jeldibayning Facebook'dagi sahifasida.
9-may kuni Rossiya federatsiyasi prezidenti Vladimir Putinning taklifiga binoan Qosim-Jo‘mart To‘qayev Buyuk Vatan urushidagi G‘alabaning 78 yilligiga bag‘ishlangan paradda ishtirok etishi qayd etilgan. “Rossiya tomoni MDH mamlakatlari rahbarlarini tantanali tadbirga taklif qildi”, – deya qo‘shimcha qilgan Jeldibay.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
