“Korrupsiyani tag-tomiri bilan quritish uchun avvalo inson omili va qog‘ozbozlikni kamaytirishga alohida e’tibor qaratilmoqda”, – deyiladi Shavkat Mirziyoyev raisligida Korrupsiyaga qarshi kurashish bo‘yicha milliy kengashning korrupsiyaning oldini olish bo‘yicha ishlar natijadorligi va kelgusidagi ustuvor vazifalarga bag‘ishlangan kengaytirilgan yig‘ilishida.

Shuningdek, aholiga yer berish jarayoni korrupsiya “o‘chog‘i”ga aylangani ta’kidlandi.

Shuningdek, yerni hokim qarori bilan ajratishdan to‘liq voz kechilib, auksion tizimiga o‘tilgani natijasida bu tizim xalqchil bo‘lgani qayd etildi.

“Qurilish sohasi eng korrupsiyalashgan sohalardan biri edi. “Shaffof qurilish” dasturi joriy etilganidan keyin bu yo‘nalishda ham ijobiy o‘zgarishlar sezilmoqda”, – deydi Shavkat Mirziyoyev.

Bundan tashqari, ilgari investitsiya dasturiga kirgan obyektlarni quradigan pudratchilar mingtaga ham yetmasligi,  o‘tgan yili esa 13,5 mingta obyekt qurilishida 4 mingdan ziyod pudratchi ishtirok etgani ta’kidlandi. Soha raqamlashgani hisobiga o‘tgan 4-yilda 3,6 trillion so‘m byudjet mablag‘i tejalgan.

Lekin qurilishga ruxsat berish, binoni topshirishda yong‘in xavfsizligi bo‘yicha byurokratiya va qonun buzilish ko‘payib ketgani uchun o‘tgan hafta favqulodda vaziyatlar vaziri va uning o‘rinbosarlari ishdan olingan.

• Korrupsiya
• Shavkat Mirziyoyev
• yig'ilish