Samarqand tumanida ketma-ket joylashgan 3 ta uyda yong‘in sodir bo‘lgan.

Ma’lumotlarga ko‘ra, bugun, 6-dekabr kuni soat 07:30da Samarqand viloyati Samarqand tumani “Qoziqo‘rg‘on” MFYda joylashgan xonadonlarda yong‘in sodir bo‘layotganligi to‘g‘risida tuman FV bo‘limiga xabar kelib tushgan. Favqulodda vaziyatlar vazirligi Matbuot xizmati holat yuzasidan ma'lumot berdi.

Qayd etilishicha, mazkur xabarga asosan voqea joyiga 6 ta yong‘in-qutqaruv ekipaji soat 07:42da yetib borib, yong‘in 08:08da qurshab olingan va soat 08:58da bartaraf etilgan.

Ma’lum bo‘lishicha, hodisa oqibatida 3 ta uyning jami 170 kv.m. maydonida tom, shift va uy jihozlari yonib zaralangan.

Ta'kidlanishicha, yong‘in oqibatida jabrlangan va halok bo‘lganlar yo‘q. Hozirda yong‘in sababi hamda keltirilgan moddiy zarar miqdori aniqlanmoqda.

• Samarqand
• yong‘in