BMTning Jahon oziq-ovqat dasturi (VFP) sentabr oyidan 2 mln nafar afg‘onistonlikka ajratiladigan yordamni mablag‘ yetishmasligi sababli to‘xtatilishi haqida gumanitar tashkilot ma’lum qiladi. Bu yil Jahon oziq-ovqat dasturidan mahrum bo‘lgan afg‘onlarning umumiy soni 10 millionga yetdi. Tashkilot bayonotida keltirilishicha: "Kelajakda katta mablag‘ ajratilishi tufayli VFP har oyda bor-yo‘g‘i 3 million kishiga shoshilinch yordam ko‘rsatishi mumkin".

"Ochlik va to‘yib ovqatlanmaslik allaqachon xavotirli darajaga yetganiga qaramay, biz to‘yib ovqatlanmaydigan va och qolganlarni qo‘llab-quvvatlash o‘rtasida tanlov qilishga majburmiz, bu holat esa millionlab oilalarni o‘zlarining navbatdagi tushliklari uchun kurashishga majbur qildirmoqda. Bizda qolgan ozgina resurslar bilan to‘liq qashshoqlik yoqasida turgan barcha odamlarga yordam bera olmaymiz", – deydi, tashkilotning Afg‘onistondagi vakili Syao-Vey Li.

Mart oyida VFP haddan tashqari ochlikni boshdan kechirayotgan jamoalar uchun ratsionni 75 foizdan 50 foizgacha kamaytirishi kerak edi. Aprel va may oylarida tashkilot sakkiz mln odamga oziq-ovqat yordamini to‘xtatishga majbur bo‘ldi.

Tashkilotning ta’kidlashicha, mablag‘larning qisqartirilishi 1,4 million homilador ayollar, yangi onalar va ularning bolalari to‘yib ovqatlanmasligining oldini olish uchun maxsus oziq-ovqat olishdan voz kechishlarini anglatadi. Kelgusi olti oy ichida 21 mln odamni zarur oziq-ovqat va yashash vositalari bilan boqish uchun 1 mlrd dollar kerak bo‘ladi.

BMT VFP ma’lumotlariga ko‘ra, 2023-yil sentabr holatida Afg‘onistonda qariyb 35,5 mln kishi yoki aholining deyarli 90 foizi oziq-ovqat ta’minotidan aziyat chekmoqda.

• Afg‘oniston
• BMT
• Ochlik