BMT G‘azoda o‘t ochishni to‘xtatishga va garovga olinganlarni ozod qilishga chaqirdi

“Birlashgan millatlar tashkiloti Bosh Assambleyasi G‘azo sektorida zudlik bilan o‘t ochishni to‘xtatish va garovga olinganlarni “zudlik bilan va shartsiz” ozod qilish to‘g‘risida qaror qabul qildi”, – deb xabar bermoqda RIA Novosti.

BMT bir yil oldin ham shunga o‘xshash rezolyutsiyani qabul qilgan edi, unda anklavda “zudlik bilan gumanitar sulh”, shuningdek, “barcha garovga olinganlarni zudlik bilan va so‘zsiz ozod qilish” talab qilingan edi. “G‘azoda o‘t ochishni to‘xtatish talabi” deb nomlangan amaldagi rezolyutsiyani 158 ta mamlakat ma’qullagan bo‘lsa, 9 ta davlat qarshi chiqqan va yana 13 tasi betaraf qolgan.

Bundan tashqari, BMT G‘azo sektorining tinch aholisiga omon qolishi uchun zarur bo‘lgan asosiy xizmatlar va gumanitar yordamdan foydalanish imkoniyatini zudlik bilan berilishini talab qilgan.

• BMT
• G‘azo
• taqiq