Niderlandiyaning Gaaga shahridagi Xalqaro Jinoyat Sudi (XJS) ishi adolatga hech qanday aloqasi yo‘q. Rossiya prezidenti Vladimir Putinni qamoqqa olish orderi bo‘yicha sud qaroriga Rossiyaning BMTdagi doimiy vakili Vasiliy Nebenzya shunday baho berdi.

Doimiy vakil Iroqda Gʻarb davlatlarining jinoyatlari bo‘yicha XJS to‘liq yurisdiksiyaga ega ekanligini, biroq aybdorlarning hech biri javobgarlikka tortilmaganini ta’kidladi. Uning aniqlik kiritishicha, sud hisobotlari yil sayin qisqarib boraveradi.

“Bu XJSning yangi prokurori Karim Xonning innovasion siyosati natijasi bo‘lib, u bu tergovlarni, shuningdek, Gʻarb ishtirokidagi boshqa jinoyatlarni birinchi o‘ringa qo‘yishga qaror qildi”, – deydi Nebenzya. Uning so‘zlariga ko‘ra, bu harakat sudning asl ustuvorliklarini juda yaxshi namoyish etadi.

Qayd etish mumkin, 17-mart kuni XJS Vladimir Putin va Prezidentning bolalar huquqlari bo‘yicha komissari Mariya Lvova-Belovani qamoqqa olish uchun order berdi. Aniqlik kiritilishicha, bunday qaror Ukrainadagi vaziyat fonida qabul qilingan. Kreml bu kabi bayonotlarga xotirjam munosabatda ekanini qayd etgan.

• BMT
• Putin
• Rossiya