Mashhur nemis avtomobil ishlab chiqaruvchi kompaniyasining butunlay elektrda yuruvchi premium sinfidagi i7 sedani BMW Group'ning Aryeplugedagi tajriba markazida qishki sinovlardan o‘tkazilmoqda. Avtomobil muhandislari muzlagan yo‘l hamda sovuq ob-havo sharoiti tufayli sedanning quvvat qurilmasi va yuritkichini kompleks testdan o‘tkazdilar.
Premium sinfiga kiruvchi BMW i7 elektrosedani 7 seriyaga kiruvchi boshqa mashinalar bilan bir xillashtiriladigan yangi platformaga asoslanadi.
Muhandislar sovuq sharoitlarda tormoz sistemasi, bundan tashqari quvvat tiklash tizimi o‘zini qanday tutishini aniqlashdi.
Asosiy e’tiborda bo‘lgan narsa esa avtomobilning yuqori voltli batareyasi sovuq ta’siriga qanday dosh berishini bilish bo‘ldi. Buning asosiy sababi sifatida elektrokarlarning batareyasi sovuq ta’sirida tez quvvatdan qolishi ko‘rsatilmoqda.
Eslatib o‘tamiz, Rossiyaning sanoat va savdo vaziri Tesla avtomobillari sovuqqa bardoshsiz ekanini, yurish quvvati pasayib ketishini ma’lum qilgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!