Kuni kecha, 5-avgust kuni Oʻzbekiston boks federatsiyasida yigʻilish tashkil etildi. 

Unda Oʻzbekiston Respublikasi Vazirlar Mahkamasi, Sportni rivojlantirish vazirligi, Milliy olimpiya qoʻmitasi hamda Oʻzbekiston boks federatsiyasi mutasaddilari ishtirok etishdi.

Unda milliy terma jamoamizni uzoq vaqtdan beri boshqarib kelayotgan Marat Qurbonovning qilgan xizmatlari alohida eʼtirof etildi va terma jamoaga vaqtinchalik bosh murabbiy sifatida u kishining eng yaqin shogirdlaridan biri Toʻlqin Qilichev vaqtincha bosh murabbiy vazifasini bajaruvchi etib tayinlandi.

Qayd etilishicha, Marat Qurbonovning boksdagi faoliyati yakunlangani yoʻq.

“Oʻzbekiston boks federatsiyasi Marat Galiyevichning terma jamoa rulidagi samarali faoliyatini yuksak qadrlaydi va oʻz minnatdorchiligini bildiradi.

Toʻlqin Qilichevga esa yangi vazifada omad tilab qolamiz”, – deyiladi federatsiya xabarida.

• Boks
• O‘zbekiston