Xabaringiz bor, 14–26-noyabr kunlari Ispaniyaning La Nusiya shahrida boks boʻyicha yoshlar oʻrtasida jahon chempionati boʻlib oʻtgan edi.

Ushbu musobaqada Oʻzbekiston yoshlar terma jamoasi aʼzolari umumiy hisobda 5 ta oltin, 3 ta kumush va 2 ta bronza medallarini qoʻlga kiritib, umumjamoa hisobida birinchi oʻrinni egallashgan edi.

Oʻzbekiston yoshlar terma jamoasi jahon chempionatida ilk bor mana shunday ajoyib natija qayd etdi. Kecha, kattalar oʻrtasida Oʻzbekiston chempionatining ilk kuni doirasida mazkur musobaqada sovrindor boʻlgan hamyurtlarimiz pul mukofotlari bilan taqdirlanishdi.

Unga koʻra, oltin medal sohiblari 3 000, kumush medal sohiblari 2 000, bronza medali egalariga esa 1 000 AQSh dollari miqdorida pul mukofotlari topshirildi.

Oltin:

-48 kg: Gulsevar Gʻaniyeva

-57 kg: Baxtiyor Asadov

-67 kg: Javohir Ummataliyev

-71 kg: Fazliddin Erkinboyev

-75 kg: Toʻrabek Xabibullayev

Kumush:

-80 kg: Rahmatillo Boymatov

-70 kg: Aziza Zokirova

-81 kg: Oltinoy Sotimboyeva

Bronza:

-54 kg: Xoʻjanazar Nortojiyev

-75 kg: Sahobat Husanova.

• Boks
• Jahon chempionati
• Mukofot
• O‘zbekiston