Bolgariya g‘arbidagi Struma avtotrassasida yo‘lovchi avtobusi yonib ketgani haqida xabar bergandik. OAV xabarlariga ko‘ra, qurbonlar soni 46 nafarga yetgan, ularning barchasi Shimoliy Makedoniya fuqarolari bo‘lgan.

Dastlabki ma’lumotlarga ko‘ra, avtobus Turkiyadan qaytayotgan bo‘lgan.‌‌

Halokat tufayli avtobus yonib ketgan,  jami yo‘lovchilar soni 52 ta bo‘lganligi aytilmoqda. Omon qolgan 7 nafar yo‘lovchi yuz va yuqori nafas yo‘li kuyishi tashxisi bilan kasalxonaga yetkazilgan. Ikki odamning qo‘llari kuygan, boshqalarining qo‘l va oyoqlarida shilinish, kesilish holatlari ko‘rilgan. 

Professor Drojji Argirovning aytishiga ko‘ra, yaradorlar psixologik shok holatida. Bundan tashqari, ular voqea sodir bo‘lganidan uch soat o‘tib kasalxonaga yetkazilgan.

Fojea sodir bo‘lgan joyda operativ-qidiruv ishlari olib borilmoqda.

• Bolgariya
• YTH