Suriyaning yangi konstitutsiyaga ko‘ra, to‘rt yildan so‘ng prezidentlik saylovlari o‘tkaziladi.

Bu haqda Arab Respublikasining o‘tish davri prezidenti Ahmad ash-Sharaa Doha forumida so‘zlagan nutqida ma’lum qildi.

“Biz keng qamrovli milliy muloqot konferensiyasini o‘tkazdik, natijada muvaqqat konstitutsiyaviy deklaratsiya qabul qilindi. Bu deklaratsiya prezidentga besh yil davomida hokimiyatda qolish huquqini berdi, bu vaqt ichida ko‘plab qonunlar qabul qilinadi va konstitutsiya ishlab chiqiladi, bu hukumat tizimining asosi bo‘lib xizmat qiladi. Biz, albatta, to‘rt yildan keyin saylov o‘tkazamiz”, — degan ash-Sharaa.

U o‘tish davri hukumati “mamlakat og‘ir sharoitlarga tushib qolganiga qaramay” parlament saylovlarini uyushtirganini ta’kidlab, bu jarayon yetarli infratuzilma mavjud bo‘lmagan sharoitda “mavjud vaziyatga muvofiq” amalga oshirilganini ta’kidlagan.

• Konstitutsiya
• Prezident
• Suriya
• saylov