Saylovlarda g‘olib chiqqan Narendra Modi 9-iyun kuni uchinchi muddatga Hindiston bosh vaziri etib saylandi. Bu haqda Hindiston mahalliy nashrlari xabar berdi.

Navbatdagi saylovlarda Modining Bharatiya Janata partiyasi parlamentda ko‘pchilik o‘rnidan mahrum bo‘lgan. Partiya hukumat boshqaruvini o‘zida saqlab qolish uchun bir nechta hamkorlari bilan koalitsiya tuzgan.

Yakshanba kuni Narendra Modi uchinchi muddatga Hindistonning bosh vaziri sifatida qasamyod qabul qilgan. U mamlakatda koalitsion hukumatning siyosatni qanday olib borishini sinov o‘tkazmoqchiligini ma’lum qilgan.

Hindiston prezidenti Droupadi Murmu Nyu-Dehlidagi prezident saroyi Rashtrapati Bxavanda minglab taniqli shaxslar, yetti qo‘shni davlat rahbarlari, Bollivud yulduzlari va milliarderlar ishtirok etgan tantanali marosimda Modiga qasamyod qabul qildirgan.

Qasamyodda tarixda ilk bor mamlakat nomi Bharat deya qayd etilgan. Ushbu nom mamlakatning hind tillaridagi variantini ifoda etadi.

• Hindiston