Boysun tumani hokimligi balansida turgan 2013-yilda ishlab chiqarilgan Captiva-2 avtomobili allaqachon texnik nosoz holatga kelib qolgan. Bu haqdagi xulosa Surxondaryo viloyati hokimi birinchi o‘rinbosari F.Mamanov tomnidan berilgan va tuman hokimligining yangi – Trailblazer avtomobilini sotib olishiga ham “e’tirozi yo‘q”.      

Bloger Qobil Xidirovning e’tibor qaratishicha, viloyat hokimligi bunda eskirgan va nosoz holatdagi Captiva-2 avtomobili auksion savdolariga sotuvga chiqarilishi shart qilib belgilangan bo‘lishiga qarmasdan, tuman hokimi A.Jo‘rayev mazkur avtoulovni operativ boshqaruv huquqi bilan Boysun tumani prokuraturasiga bepul o‘tkazib beradi. Ya’ni viloyat hokimligi ko‘rsatmasiga qarshi o‘laroq avtomashina elektron auksionga qo‘yilmaydi.

Eslatib o‘tamiz, hokimlik va UzAuto Motors o‘rtasida tuzilgan shartnomaga ko‘ra, qora rangli yangi Trailblazer LTZ-AT hokimlikka 398 millionga tushadi.

Ma’lumot uchun, amaldagi tartib bo‘yicha tuman hokimlari xizmat mashinalarining narxlari bazaviy hisoblash miqdorining 1000 baravaridan, dvigatel eng yuqori quvvati 2000 sm. kubdan oshmasligi lozim.

Agar tuman tog‘li hudud bo‘lsa, bu quvvatni 3000 sm. kubgacha oshirishga ruxsat berilishi mumkin. Bazaviy hisoblash miqdorining istisno chegarasi esa ko‘rsatilmagan.

Bu Hukumatning tegili qarori bilan belgilab qo‘yilgan.

• Boysun
• Davlat byudjeti
• Davxarid
• Surxondaryo