Braziliya terma jamoasi magʻlubiyatsiz oʻyinlar boʻyicha jahon chempionatlaridagi rekord seriyasini toʻxtatdi.

Tite shogirdlari joriy JChning dastlabki 2 turida Serbiya (2:0) hamda Shveysariya (1:0) ustidan gʻalabaga erishib, guruh bosqichidagi umumiy magʻlubiyatsiz seriyasini 17 ta oʻyinga yetkazib olgandi. Bu musobaqa rekordi edi.

Biroq, Braziliya TJ oxirgi turda Kamerunga 0:1 hisobida yengildi va 24 yildan beri davom etib kelayotgan muvaffaqiyatli seriyaga chek qoʻyildi.

Kamerundan oldin soʻnggi magʻlubiyat (1:2) 1998-yilgi Jahon chempionatining soʻnggi bosqichida sodir boʻlgan.

Eslatib oʻtish mumkin, braziliyaliklarga 1/8 finalda Janubiy Koreya raqiblik qiladi va ular oʻrtasidagi uchrashuv 5-dekabrda boʻlib oʻtadi.

• Braziliya
• Futbol
• Jahon chempionati