Braziliyaning Pernambuko va Alagoas shtatlarida suv toshqinlari va ko‘chkilarni keltirib chiqargan kuchli yomg‘irlar oqibatida o‘ttizdan ortiq kishi halok bo‘ldi. 

Xususan, The Guardian nashri 35 kishi halok bo‘lgani haqida xabar qilmoqda. Associated Press xabariga ko‘ra, 31 kishi halok bo‘lgan, ulardan 29 nafari Pernambuko shtatidagi ko‘chki qurboni bo‘lgan, yana ikki nafari Alagoas shtatidagi daryoga cho‘kib ketgan.

Pernambuko hukumati ma’lum qilishicha, 516 kishi uyini tark etishga majbur bo‘lgan, yana 249 kishi boshpanasiz qolgan. 

Qayd etilishicha, mamlakat milliy meteorologiya instituti Pernambukoda kuchli yomg‘ir va kuchli shamollar xavfi haqida ogohlantirgan, uning tezligi soatiga 100 kilometrdan oshadi.

• Braziliya
• Qurbon
• Sel
• yomg‘ir