Braziliya Milliy muzeyi xodimlari Kruzeyru du Uesti shaharchasi yaqinidan bundan 70 million yil avval yashagan ikki oyoqli, tishsiz dinozavr qoldiqlarini topishdi.

"Biz chanoq suyagi, jag‘, umurtqa, yelka belbog‘i va tos suyaklari, old va orqa qism suyaklarini topdik", deydi Aleshandri Kellnera, tadqiqot mualliflaridan biri.

Uzunligi bir metrlar atrofidagi, bo‘yi 80 sm keladigan bu dinozavr terapodlar – deyarli barcha a’zolari yirtqich bo‘lgan guruhga tegishli, ammo u tishsiz, qushlarnikini esga soluvchi tumshuqqa ega. Uning og‘irligi 8–10 kgdan oshmagani aytilmoqda.

Qadimiy "ajdar" nima bilan oziqlangani hozircha noma’lum.

"Biz uning yemishi o‘z guruhidagi boshqa dinozavrlarnikidan farq qilishini taxmin qilmoqdamiz. Ammo jonivorning tishsiz ekanligi, uning go‘shtxo‘r bo‘lmagani haqida so‘zlamaydi" – deydi tadqiqotchilardan biri bo‘lmish Jovanni Alves di Souza.

Olimlarning fikriga ko‘ra, mitti "ajdar" o‘ta qiyin muhitda yashagan. Shu bois u nafaqat go‘sht bilan oziqlanishi, balki tirik qolish uchun har qanday ozuqani qaytarmasligi lozim bo‘lgan.

• Tarix
• qiziqarli
• tadqiqot