O‘zbekiston elchixonasida Britaniyaning “Integrated Qualifications Framework” kompaniyasi vakillari bilan uchrashuv bo‘lib o‘tdi. Bu haqda “Dunyo” xabar berdi.

Ma’lum bo‘lishicha, Britaniya tomoni O‘zbekiston ta’lim tizimida olib borilayotgan islohotlar, kasb-hunar ta’limi sifatini yanada oshirish, uni oliy ta’lim bilan integratsiya qilish bo‘yicha amalga oshirilayotgan ishlar bilan tanishtirilgan.

“IQF” vakillari Britaniya ta’lim tizimining 8 ta darajasi to‘g‘risida batafsil ma’lumot bergan. Qayd etilishicha, maktab bitiruvchilari uchun Level 2 (GCSE) va Level 3 (A level) darajalari sertifikatlarini “Pearson” va “Cambridge” kabi dunyoda tan olingan tashkilotlarning kasbiy o‘quv dasturlarida tahsil olish orqali qo‘lga kiritish imkoniyati mavjud.

Uchrashuv yakunida “Integrated Qualifications Framework” kompaniyasi vakillarining yangi loyihalarni amalga oshirishni yo‘lga qo‘shish maqsadida shu yilning 12-14-mart kunlari O‘zbekistonga amaliy safarini tashkil bo‘yicha kelishib olingan.

• Buyuk Britaniya
• Elchixona
• Loyiha