9-dekabr kuni mamlakatning deyarli barcha hududlarida yomg‘ir yog‘ishi ehtimoli yuqori ekani ma’lum qilindi. “O‘zgidromet”ning ma’lum qilishicha, tog‘li hududlarda qor yog‘ishi va kuchli shamol kuzatilishi mumkin.
Toshkent shahrida ob-havo o‘zgaruvchan bo‘ladi. Kechasi +1..+3 daraja, kunduzi +5...+7 daraja iliq bo‘lishi kutilmoqda. Shamol sharqiy-g‘arbdan sekundiga 3–8 metr tezlikda esadi.
Qoraqalpog‘iston va Xorazmda yomg‘ir va qor aralash yog‘ingarchilik ehtimoli yuqori. Shamol ayrim joylarda sekundiga 20–22 metrgacha kuchayishi mumkin. Harorat kechasi -5...-10 daraja sovuq, kunduzi 0...+5 daraja iliq bo‘ladi.
Buxoro va Navoiyda ham yomg‘ir yog‘ib, tuman tushishi mumkin. Shamol ba’zi joylarda sekundiga 18–22 metrgacha kuchayishi ehtimol qilinadi. Harorat kechasi -2...+3 daraja, kunduzi +7...+12 daraja iliq bo‘ladi.
Toshkent, Sirdaryo, Jizzax va Samarqandda yuqori namlik saqlanib, qisqa muddatli yomg‘ir va tuman kuzatilishi mumkin. Harorat kechasi -2...+3 daraja, kunduzi +3...+8 daraja iliq bo‘ladi. Shamol g‘arbdan sekundiga 7-12 metr tezlikda esadi.
Qashqadaryo va Surxondaryoda nisbatan iliq ob-havo saqlanadi. Shamol g‘arbdan sekundiga 7-12 metr tezlikda esadi. Kechasi +2...+7 daraja, kunduzi +12...+17 daraja iliq bo‘ladi.
Farg‘ona vodiysi viloyatlarida yomg‘ir va tuman ehtimoli yuqori. Harorat kechasi -2...+3 daraja, kunduzi +3...+8 daraja iliq bo‘ladi. Shamol g‘arbdan sekundiga 7-12 metr tezlikda esadi.
Respublikaning tog‘li hududlarida esa yog‘ingarchilikning kuchayishi va qor ko‘chishi xavfi qayd etilgan.
8–10-dekabrda mamlakatga nam va sovuq havo massalari kirib kelishi natijasida harorat bosqichma-bosqich pasayib boradi. 10-dekabrga kelib markaziy hududlarda harorat kechasi -2...-5 daraja sovuqqa, shimolda esa -7...-10 daraja sovuqqacha pasayishi kutilmoqda.
31°
Kechasi 18°
