AQSh prezidenti Donald Tramp Ukraina yetakchisi Vladimir Zelenskiy hali Amerika tomonidan ishlab chiqilgan tinchlik rejasi bilan tanishib chiqmaganidan hafsalasi pir bo‘lganini ma’lum qildi. U bu fikrni Jon Kennedi nomidagi sahna san’ati markazida bo‘lib o‘tgan marosimda bildirdi.
“Biz prezident Putin bilan ham, Ukraina rahbarlari, jumladan, Zelenskiy bilan ham suhbatlashdik. Aytishim kerakki, prezident Zelenskiyning hali tinchlik taklifini o‘qimaganini eshitib, biroz xafa bo‘ldim. Buni bir necha soat oldin bildim. Zelenskiyning atrofidagilarga rejamiz yoqqan, ammo unga yoqmagandek. Rossiyaga imkon bo‘lsa, butun Ukrainani egallagan bo‘lardi. Ammo, menimcha, Rossiya tinchlik rejasidan qoniqadi. Lekin Zelenskiy bunga rozi bo‘ladimi-yo‘qmi — bunga unchalik ishonmayman”, – degan Tramp.
Ma’lumot uchun, 2-dekabr kuni Qo‘shma Shtatlar rahbarining maxsus elchisi Stiv Uitkoff va Trampning kuyovi Jared Kushner Moskva shahrida Rossiya prezidenti Vladimir Putin bilan besh soatlik muzokara o‘tkazgan edi.
31°
Kechasi 18°
