Janubiy Koreyaning mashhur key-pop guruhi – BTSning uch nafar aʼzosida koronavirus aniqlandi. Infeksiyani avval reper Syugi yuqtirib olgan, oradan bir kun oʻtib, reper RM va xonanda Chinning ham kasallikka chalingani tasdiqlangan.

Guruh aʼzolari koronavirusni yuqtirib olganlari ularning AQShda oʻtkazilgan konsertdan keyin Janubiy Koreyaga qaytib kelgan vaqtlarida maʼlum boʻlgan. Guruhning rasmiy vakillari virusga chalingan ijodkorlarning har uchalasi ham joriy yilning avgust oyida koronavirusga qarshi emlanganini qayd etgan.

Ijodkorlarda kasallikning yengil belgilari kuzatilmoqda. Virus guruhning qolgan aʼzolariga ham yuqqanmi, yoʻqmi – bunisi hozircha aniq emas.

• San’at
• mashhurlar