Serbiya prezidenti Gaaga sudi tomonidan Rossiya prezidenti Vladimir Putinni hibsga olish uchun order berilganiga nisbatan munosabat bildirdi va buning jiddiy oqibatlarga olib kelishi mumkinligini taʼkidladi.

“Menga Xalqaro jinoiy sud Putinni qoʻlga olish uchun order berganini aytishganida, nima deyish va nima qilish kerakligini oʻylab qoldim. Bu oxiri yoʻq kelishmovchilik. Men insoniyat tarixidagi eng katta mojaro tomon boryapmiz deb qoʻrqaman. Qiziq, kimningdir bu ishni oxirigacha olib bormaslikka aqli yetadimi va kimdir buning qanday oqibatlarga olib kelishi mumkinligini tushunyaptimi?”, – dedi Serbiya prezidenti.

Aleksandr Vuchich vatandoshlariga murojaat qilishdan avval chiqishi vaqtida ularga qarata soʻzlaydigan nutqini yaxshilab oʻylab olishi kerakligi, mamlakat “oʻzi va oʻz tinchligini” qanday saqlashidan xavotirda ekanligini bildirdi.

“Bu ham Gʻarbning bugungi kunga qadar Rossiya bilan keskin munosabatda boʻlmagan barcha mamlakatlarga qoʻshimcha bosim oʻtkazish niyatida ekanligini bildiradi”, – deya taʼkidladi u.

• Jahon
• Putin
• Rossiya
• Sud
• xabar