Rossiya prezidenti Vladimir Putin kecha, 12-yanvar kuni Hukumat a’zolari bilan yig‘ilish o‘tkazdi.
Videokonferensaloqa shaklida o‘tgan mazkur tadbir Putin va Hukumat a’zolarining joriy yildagi dastlabki yig‘ilishi hisoblanadi.
Yig‘ilishda Rossiya prezidenti yig‘ilish kun tartibidagi ilk masala – hududlarni gazlashtirish masalasi hamda koronavirusga qarshi kurashish masalasi haqida to‘xtalgan.
Rossiya rahbari koronavirusning yangi shtammi bilan bog‘liq xavotirlarini bildirib, ayni paytda AQShda omikron bilan kasallanish holati milliondan oshib ketganiga munosabatini bildirib, buning “ajoyib”ligini aytadi.
– Men (bugungi yig‘ilishni, -tahr) eng dolzarb mavzu – koronavirusga qarshi kurashish masalasidan boshlamoqchiman. U bizni tinch qo‘ymayapti. Nafaqat bizni, balki butun dunyoni ham. Biz hozir AQShda nimalar sodir bo‘layotganini ko‘ryapmiz. Million nafardan oshib ketdi, bu judayam ajoyib. Menimcha, allaqachon, 1,3 million nafardan oshib ketdi. Ayrim Yevropa davlatlarida ham yangi “omikron” shtammi bilan mana shunda holat sodir bo‘lyapti, – deydi Putin.
Kremlning rasmiy sayti mazkur yig‘ilishning stenogrammasini to‘liq e’lon qilib, bir muddatdan so‘ng Putinning “Bu shunchaki ajoyib!” degan jumlasini o‘chirib tashladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!